Itinanggi ni Pangulong Ferdinand Marcos Jr. na isang staged drama lamang ang pag-aresto sa kaniyang pinsan na si dating House Speaker at Leyte Rep. Martin Romualdez kaugnay ng kontrobersyal na P7.4-bilyong plunder case.
Ayon kay Marcos, ang mga nagsasabing drama lamang ang nangyaring pag-aresto ay bahagi lamang ng mga pulitikal na pag-atake laban sa kaniyang administrasyon at hindi naglalarawan sa aktuwal na prosesong umiiral sa korte.
Naaresto si Romualdez matapos maglabas ng opisyal na warrant of arrest ang Sandiganbayan batay sa kasong isinampa ng Office of the Ombudsman.
Kasalukuyan itong nananatili sa Philippine General Hospital para sa mga independent medical examination matapos ilipat mula sa Cardinal Santos Medical Center.
***
Umakyat na sa 76 ang nasawi, habang 13 ang nawawala at 43 naman ang naitalang survivor sa insidenteng pagkasunog ng pampasaherong barko na MV June Aster sa karagatan ng Coron, Palawan noong Setyembre 9, 2026.
Ayon sa opisyal na manifesto, may kabuuang 134 na katao ang sakay ng barko 117 ang pasaher at 17 naman ang crew.
Ayon sa Philippine Coast Guard o PCG, nakarekober nitong Sabado ng gabi ang rescue teams ng karagdagang 41 bangkay na dinala sa pantalan ng Coron.
Ang MV June Aster, na pagmamay-ari ng Atienza Interisland Shipping Lines, ay nagmula sa Baseco, Maynila at patungong Coron nang mangyari ang insidente.
Patuloy ang search and rescue operations para sa mga nawawala, habang isinasagawa rin ang imbestigasyon upang matukoy ang sanhi ng sunog at iba pang detalye ng insidente.