Posibleng magkaroon na ng desisyon ang Department of Justice (DOJ) sa extradition request ng Estados Unidos para kay Pastor Apollo Quiboloy sa loob ng susunod na dalawang linggo.
Ayon kay Justice Secretary Fredderick Vida, binigyan na niya noon ng dalawang linggo ang kanyang team para suriin ang mga dokumento ngunit humingi ito ng kaunting extension.
“Let’s look at the next two weeks for something positive to happen or something, a point that I can already make a decision,” sabi ni Vida.
Patuloy pa ring sinusuri ng DOJ ang mga dokumento na inilarawan ni Vida na “voluminous” o napakarami.
Sinabi niyang prayoridad ng DOJ ang request dahil may extradition treaty ang Pilipinas at Estados Unidos, at kailangang sundin ang prosesong itinakda ng batas at ng Supreme Court.
Samantala, sinabi ni Vida na karapatan ng kampo ni Quiboloy na tutulan ang extradition request kapag naisampa na ito sa korte. (Prince Golez)
---
Nakakuha ang Pilipinas ng $60 milyon o P3.68 bilyong grant mula sa United States para bawasan ang red tape, palakasin ang mga electric cooperative at pabilisin ang mga proyekto sa enerhiya.
Pinirmahan nina Finance Secretary Frederick Go at US Ambassador Lee Lipton sa Millennium Challenge Corporation Threshold Program ang Grant Agreement nitong Setyembre 10 sa Maynila.
Layunin ng programa na makahikayat ng mas maraming puhunan at gawing mas mura at maaasahan ang suplay ng kuryente.
“We extend our gratitude to the US government for approving a 60-million-US dollar grant under the MCC Threshold Program. This support will help us address key policy and institutional gaps to strengthen the foundations of our energy sector,” sabi ni Go.
Tatakbo ang programa sa loob ng apat na taon at siyam na buwan. (Eileen Mencias)