Inanunsyo ng interior minister ng France na nakatakdang magtalaga ng 70,000 na kapulisan sa buong bansa upang paghandaan ang napipintong protesta sa Sabado kasabay ng Halloween.
Ayon kay Interior Minister Laurent Nunez na mas paiigtingin pa lalo ang security measures tulad ng paggamit ng armored vehicle at water cannon.
Matatandaang nagkaroon ng malawakang protesta sa iba’t-ibang parte ng France dahil sa pagtaas ng presyo ng mga bilihin at tumataas na halaga ng pamumuhay, na siyang nagdulot din ng malawakang looting at rayot sa iba’t-ibang pamilihan.
Umabot naman sa 2,700 na katao ang naaresto sa nakaraang kilos-protesta. Samantala, binalaan naman ni Nunez ang mga magsasagawa ng demonstrasyon sa mga mananamantala sa Halloween upang itago ang kanilang mga mukha sa public areas.
Inihayag rin ng interior minister na papayagan naman ang mga demonstrasyon ngunit hindi sa “city centers” kung saan maaaring magbunsod ng malaking kaguluhan.
Maglulunsad ang Yellow vest movement ng kanilang ika-ttalong kilos protesta sa araw ng Halloween sa National Assembly at sa lahat ng town halls sa bansa.
---
Opisyal nang humingi ng tawad ang Hong Kong leader na si John Lee, kaugnay sa mapaminsalang sunog na nangyari sa Tai Po building, isang taon nang nakakaraan.
Sa conference, naglabas din ang lider ng mga ulat kaugnay sa apat na government departments na dapat maging responsable sa nangyaring sunog dahil safety complaints.
Ayon sa repormang inilabas ni Lee, nakapaillaim dito ang pagpapaigting sa kaligtasan at kaayusan sa usapin ng building industry. Pagtutuunan din ang sistematikong regularidad ng mga gusali.
Matatandaang kumitil ng halos 168 na buhay ang sunog sa pitong 31-storey tower blocks sa Wang Fuk Court residential complex, kung saan nadamay rin ang under renovation na building sa Tai Po district dahil sa pagkalat ng sunog sa dust netting at scaffolding nito.
Ayon din sa Hong Kong lider, na ikinalulungkot niya ang nangyaring sunog isang taon nang nakakaraan at nais niyang humingi ng tawad sa lahat ng naapektuhang residente maging sa publiko.
Inanunsyo rin ni Lee ang pagbitiw sa pwesto ni Hong Kong Housing Secretary na si Winni Ho.
Nagtalaga na rin ang pamahalaan ng Hong Kong ng independent team upang imbestigahan kung sinu-sinong opisyal ang dapat managot at tukuyin ang mga kaukulang hakbang pandisiplina laban sa kanila.
Ayon sa kasaysayan ng Hong Kong na ito na ang pinakamapaminsalang insidente sa lungsod mula pa noong 1948. Libo-libong residente ang nawalan ng tirahan matapos hindi na matirhan ang kanilang mga apartment matapos ang sunog.