Pinaghahanda ni North Korean leader Kim Jong Un ang militar ng naturang bansa para sa giyera.
Inatasan ni Kim ang mga commander ng Korean People’s Army na tiyaking handa ang bawat unit na lumaban sa isang giyera.
Inilabas ng state-run media na Korean Central News Agency (KCNA) ang naturang pahayag kasunod ng pagdalo ni Kim sa isang event kasama ang mga military official ng NoKor.
Batay sa lumabas na pahayag, inatasan umano ng North Korean president ang bawat company leader na maghanda para sa isang giyera at ang isa sa mga pangunahing daan para rito ay ang mahirap at extensive na training sa lahat ng mga sundalo.
Bago nito ay nagkaroon pa ng ‘Third Meeting of Company Leaders’ sa pagitan ni Pres. Kim at ng mga military leader ng naturang bansa. Naganap ito sa Pyongyang noong October 22 at October 23, 2026.
Dito ay sinabihan din niya ang mga commander na itatag ang pinakamalakas na army at madaliin ang Korean-style military revolution sa pamamagitan ng pagsasanay sa pinakamalalakas na military units o military companies.
Ayon sa state-run media ng NoKor, ito ang unang pagtutupon ng buong army ng naturang bansa mula noong 9th Congress ng Workers’ Party’s nong Pebrero.
---
Isang pambansang pagpupulong ng National Security Council ang ipinatawag sa Moldova kasunod ng malawakang cyberattack na tumama sa mga information system ng kanilang pamahalaan.
Ayon sa Electronic Government Agency (AGE), naganap ang naturang cyberattack mula Oktubre 19 hanggang 23 kung saan tinayang 750,000 data sets ng humigit-kumulang isang milyong personal ID numbers ang nanakaw.
Pormal na tinanggal sa pwesto ni Prime Minister Vasile Tofan ang direktor ng AGE na si Nicoleta Colomeet kasabay ng pag-atas na palakasin ang seguridad sa mga digital services ng bansa.
Isiniwalat ni Tofan na may mga indikasyong sangkot ang ilang foreign state actors sa naganap na insidente at kasalukuyan na itong iniimbestigahan ng mga awtoridad.
Kabilang sa mga nakuhang impormasyon sa pagnanakaw ng datos ang mga pangalan, kaarawan, insurance status, medical records, at financial details kabilang ang mga IBAN account.
Nagbabala naman ang mga eksperto na ang pangunahing panganib ng naturang pagkakalantad ng datos ay ang posibleng paggamit dito sa mga online fraud at manipulation.