Kinumpirma ng Philippine National Police (PNP ) na nakatanggap ng bomb threat ang University of Santo Tomas (UST) sa Manila nitong Martes ng umaga.
Ayon kay National Capital Region Police Office (NCRPO) spokesperson Police Lieutenant Colonel Hazel Asilo, na ang nasabing pagbabanta ay ipinadala sa isang staff ng unibersidad sa pamamagitan ng messaging apps.
Dagdag pa ng police official na ang ito ay siyang unang banta na nais lamang na ituloy noong nakaraang mga linggo.
Agad na nakipag-ugnayan ang PNP sa pamunuan ng mga unibersidad para agad na matukoy ang nasa likod ng nasabing bomb threat.
Magugunitang sa mga nagdaang araw ay magkakasunod ang nangyaring pananakot at pagbabanta sa mga paaralan at unibersiidad.
Nauna ng nakatanggap ng pagbabanta ang Our Lady of Fatima University (OLFU), De La Salle University (DLSU) , University of the East at ang huli ay sa UST.
Patuloy na nagsasagawa ng imbestigasyon ang mga otoridad kung iisa nga ba ang grupo ng nasa likod ng pananakot o bomb threat.
Binalaan din ng kapulisan ang mga magtatangka o magpapakalat ng pananakot sa mga unibersidad dahil tiyak na sila ay sasampahan ng kaukulang kaso.
---
Mariing iginiit ng Malacañang na patuloy na hahabulin ng mga awtoridad si Senador Bato dela Rosa kung hindi ito boluntaryong susuko sa loob ng itinakdang palugit ng pamahalaan. Ayon kay Palace Press Officer Usec. Claire Castro, layunin ng ibinigay na palugit na mabigyan ng pagkakataon ang senador na sumuko nang mapayapa at kusang-loob na makipagtulungan sa mga awtoridad.
Binigyang-diin ni Castro na hindi titigil ang mga awtoridad sa paghahanap kay Dela Rosa sakaling magmatigas ito at tumangging sumunod sa batas. Dagdag pa ni Castro, bilang dating miyembro ng Philippine National Police at kasalukuyang senador, dapat na si Dela Rosa ang unang nagpapakita ng paggalang at pagsunod sa batas.
Sinabi din ni Castro na hindi dapat maging inspirasyon si Dela Rosa sa iba pang indibidwal na may kinakaharap na warrant of arrest upang magtago sa halip na harapin ang proseso ng batas.
Sa ngayon, nananatiling panawagan ng Malacañang ang boluntaryong pagsuko ng senador upang maiwasan ang mas mahigpit na hakbang ng mga awtoridad.