Isang fire transition effect ang lumabas sa livestream ng Senado sa ika-44 na araw ng impeachment trial ni Vice President Sara Duterte nitong Huwebes habang pinangu¬ngunahan ni Senator-judge Alan Peter Cayetano ang pambungad na panalangin.
Sa livestream, isang animasyon na parang apoy ang lumitaw sa screen mula sa camera frame kay Cayetano bago lumipat ang kuha sa defense team ni Duterte.
Pinaalalahanan ni Senate Impeachment Court presiding officer Francis “Chiz” Escudero ang Public Relations and Information Bureau (PRIB) na maging maingat sa livestreaming ng impeachment trial.
“The clerk is directed to kindly remove and edit it from the records of the impeachment court as it is deemed inappropriat¬e, so ordered,” giit pa niya.
Samantala, humingi naman ng paumanhin ang PRIB ng Senado sa aksidenteng paglitaw ng apoy sa livestream ng impeachment trial.
“We sincerely apologize for the accidental transition effect that appeared during the livestream of the Senate impeachment proceedings today,” ayon sa pinadalang statement ng PRIB.
“The incident was due to an unexpected technical issue during the broadcast, which we deeply regret,” dagdag pa ng bureau. (Dindo Matining)
---
Tatlo pang akusado sa maanomalyang P289.5 milyong road dike project sa Oriental Mindoro ang idineklarang fugitives from justice ng Sandiganbayan, kasunod ng kaparehong desisyon laban kay dating Ako Bicol Party-list Rep. Zaldy Co.
Ayon sa Office of the Ombudsman, iniutos din ng Sandiganbayan Fifth Division ang pagkansela sa mga pasaporte nina Timojen Sacar, Anthony Ngo, at Consuelo Aldon.
Kapwa akusado ang mga ito ni Co, at ilang opisyal ng Department of Public Works and Highways at Sunwest Construction and Development Corporation sa mga kasong graft at malversation kaugnay ng umano’y iregularidad sa proyekto sa Mag-Asawang Tubig River sa Naujan.
Umaasa ang Ombudsman na magagamit ng gobyerno ang mga legal at diplomatikong hakbang upang maibalik sa bansa ang mga akusado at mapaharap sa korte. (Prince Golez)