Tinabla ng Sandiganba¬yan Fifth Division ang apela ni Senador Jinggoy Estrada na ibasura ang ikalawang 90 araw na suspensiyon laban sa kanya.
Base sa mosyong inihain ni Estrada noong Oktubre 19, inireklamo nito na ang ikalawang preventive suspension laban sa kanya ay maituturing nang kaparusahan at hindi umano preventive measure.
Ngunit sa nilabas na resolusyon ng anti-graft court noong Nobyembre 10, ipinaliwanag nilang ang suspensiyon na ipinairal ng Second Division “is an independent determination of the validity of information filed against the senator; the service of suspension by the Second Court in the graft case does not dispense with the present plunder case; both graft and plunder cases are independent from one another; and his service of suspension could not prevent the court from performing its ministerial duty to place him under preventive suspension.”
Malugod namang tinanggap ng Office of the Ombudsman ang desisyon ng Sandiganbayan sa pagbasura ng apela ni Estrada sa ipinataw ng 90-day suspension.






