Naglabas ng kautusan ang Sandiganbayan para sa 90-araw na preventive suspension laban kay Leyte 1st District Representative Ferdinand Martin Romualdez kaugnay ng mga nakabinbing kaso laban sa kaniya sa anti-graft court.
Ayon sa resolusyong inilabas ng hukuman, ang preventive suspension ay isang pamantayang hakbang sa ilalim ng Republic Act No. 3019 o Section 13 ng Anti-Graft and Corrupt Practices Act. Nilinaw ng Sandiganbayan na ang suspension ay hindi isang parusa o pinal na hatol sa kaso, kundi isang probisyon ng batas upang matiyak na hindi magagamit ng sinumang opisyal ang kaniyang posisyon habang nagpapatuloy ang pagdinig.
**
Inilunsad ng Department of Health – Treatment and Rehabilitation Center (DOH-TRC) Bataan, katuwang ang Bureau of Jail Management and Penology (BJMP) Orani, ang kauna-unahang jail-based drug rehabilitation program sa bansa na naglalayong matulungan ang mga Persons Deprived of Liberty (PDL).
Sa ilalim ng programa, 24 PDL na may mga malubhang kaso ng paggamit ng droga ang kasalukuyang sumasailalim sa komprehensibong rehabilitasyon sa loob ng pasilidad ng BJMP Orani na dinesenyo ayon sa mga itinakdang pamantayan ng DOH.
Nagbibigay ang programa ng iba’t ibang serbisyo tulad ng psychosocial, medical, at dental assessment, pati na rin ang family-centered interventions, individualized treatment, at livelihood support para sa mga kalahok.
**
Nakiusap ang Asean National Organizing Council sa mga grupong nagpaplanong magprotesta na isagawa na lamang ang kanilang mga kilos-protesta pagkatapos ng 49th Asean Summit bilang pagpapakita ng respeto sa mga darating na foreign leader.
Inihayag ni Retired Major Gen. Potenciano Camba na bagama’t kinikilala ng pamahalaan ang karapatan ng publiko sa payapang pagtitipon, mas makabubuting ipagpaliban muna ito upang maging maganda ang imahe ng bansa sa harap ng mga bisita.
Nakahanda at may kakayahan naman ang Philippine National Police na pangasiwaan ang seguridad sa pagdating ng mga lider mula sa 11 member states at mga dialogue partner tulad ng China, US, Japan, at Canada mula Nobyembre 15 hanggang 17.
Naka-deploy na ang mahigit 20 ahensya ng pamahalaan pati na ang mga lokal na pamahalaan sa Metro Manila upang bantayan ang mga paliparan, kalsada, hotel, at ang pangunahing venue sa Philippine International Convention Center sa Pasay City.