Jun 19, 2026 | 8:19 AM
Suportado ng iba’t ibang kumpanya o ‘electric vehicle brands’ ang kampanya ng Department of Energy hinggil sa paggamit ng ganitong mga uri ng sasakyan sa bansa.
Sa makaraan kasing aktibidad partikular ang ika-10 Philippine International Motor Show (PIMS) 2026 ay nilahukan ito ng mga EV brands, patunay sa pagsuporta ng layunin ng ahensiya.
Ayon kay Director Patrick Aquino ng Energy Utilization and Management Bureau ng Department of Energy, mahalaga raw ang naturang programang isinagawa.
Nagsisilbi aniya itong plataporma para maipakita ang inobasyon at maging ang pag-unlad ng sektor ng transportasyon tungo sa mas episyente at makabagong ‘mobility solutions’.
Naging tampok dito ang ‘electric mobility’ kung saan 17 global automotive brands ang nagpakita ng kanilang mga produkto.
**
Wala pang pinal na kasunduan sa pagitan ng Pilipinas at Russia kaugnay ng suplay ng produktong petrolyo.Ito ang inihayag ni Pangulong Ferdinand Marcos Jr.
Ayon sa Pangulo, patuloy na maghahanap ang Pilipinas ng mga alternatibong pinagkukunan ng langis upang matiyak ang sapat na suplay sa bansa, lalo na sa panahon ng krisis.
Gayunman, sinabi ng Pangulo na bukas ang pamahalaan ng Russia sa pagpapalawak ng ugnayan sa Pilipinas pagdating sa suplay ng petroleum products.
Ipinaliwanag naman ng Pangulo na ang mga naging transaksyon noon sa Russia ay pansamantala lamang at walang nakapirming sistema.
Aniya, kasalukuyan nang binubuo ang mas maayos na mekanismo upang magkaroon ng karagdagang mapagkukunan ng langis ang bansa sakaling magkaroon muli ng pagkagambala sa pandaigdigang suplay.
Nilinaw din ni Pangulong Marcos na wala pang desisyon kung regula
Nag-uumapaw ang kasiyahan sa buong Canada matapos makuha ng kanilang pambansang koponan ang kauna-unahang panalo sa FIFA World Cup laban sa Qatar, 6-0, sa BC Place, Vancouver.
Ang makasaysayang tagumpay ay nagpasiklab ng pambansang selebrasyon mula sa mga lungsod hanggang sa mga kilalang landmark gaya ng Niagara Falls.
Sa laban, pinangunahan ni Jonathan David ang koponan sa pamamagitan ng hat-trick, habang nagdagdag ng mga goal sina Cyle Larin at Nathan Saliba, kasama ang isang own goal mula sa Qatar.
Dalawang red card ang ibinigay sa Qatar na naglaro nang kulang sa tao, dahilan upang mas lalo pang lumamang ang Canada.
Kasabay ng tagumpay, libo-libong fans ang nagtipon sa Niagara Falls para sa viewing event.
Ang panalo ay itinuturing na makasaysayan dahil ito ang unang pagkakataon na nakapagtala ng tagumpay ang Canada sa World Cup matapos ang kanilang debut noong 1986 at muling paglahok noong 2022 na parehong walang panalo.