Kinumpirma ng Malacañang ang nakatakdang bumiyahe si Pangulong Ferdinand R. Marcos Jr. sa Russia para sa isang official Working Visit sa darating na June 17 hanggang June 19,2026.
Inaasahang makikipagpulong si Pangulong Marcos kay Russian President Vladimir Putin sa Asean-Russia Summit na gaganapin sa sa Kazan, Russia.
Ayon kay Russian Foreign Minister Sergey Lavrov na inaabangan nilang dumalo sa summit si Pangulong Marcos.
Sinabi ni Lavrov, inaasahang magbibigay-daan ang summit upang mapalalim pa ang 35 taong ugnayan ng Russia at ASEAN sa larangan ng kalakalan, pamumuhunan, enerhiya, agrikultura, digitalisasyon, agham, edukasyon, turismo at kultura.
Pinuri rin niya ang aniya’y balanseng posisyon ng Pilipinas sa usapin ng digmaan sa Ukraine at muling iginiit ang pagtutol ng Russia sa militarisasyon sa Asia-Pacific. Samantala, inaasahang higit pang mapapalakas ang kooperasyon sa turismo sa ilalim ng ASEAN-Russia work plan para sa 2026.
Ang Kazan, na itinuturing na ikatlong kabisera ng Russia, ay naging mahalagang lugar para sa mga multilateral na pagpupulong ng bansa.
---
Darating sa bansa si German President Frank-Walter Steinmeier para sa isang Official State Visit sa darating na Hunyo 15 at 16, 2026.
Personal na tatanggapin ni Pangulong Ferdinand R. Marcos Jr. ang lider ng Federal Republic of Germany sa Malacañang upang talakayin ang pagpapalakas ng ugnayan ng dalawang bansa.
Kabilang sa mga inaasahang tututukan sa kanilang pagpupulong ang kooperasyon sa ekonomiya, kalakalan, pamumuhunan, pagbabago sa klima (climate change), at ang kapakanan ng mga manggagawang Pilipino, partikular na ang mga nasa sektor ng kalusugan sa Germany.
Ang pagbisitang ito ay naglalayong patatagin pa ang diplomatikong relasyon ng Pilipinas at Germany, kasunod na rin ng naging pagbisita ni Pangulong Marcos sa Berlin noong taong 2024.