Inanunsyo ni Ombudsman Jesus Crispin ‘Boying’ Remulla na tuluyan nang inihain para sa ‘preliminary investigation’ ang ilang mga kaso laban kina Batangas 1st District Rep. Leandro Leviste at Sen. Loren Legarda.
Ayon kay Ombudsman Remulla, ang mga reklamong isasailalim sa ‘preliminary investigation stage’ ay ang plunder, graft, at conflict of interest.
Kaugnay aniya ang mga reklamong ito sa Solar firm o kumpanya ng mambabatas na bigong tuparin ang pangako o responsibilidad makapagbahagi ng ‘Solar energy’ para sa bansa.
Paliwanag ng tanodbayan kung bakit kasama maging ang nanay ng mambabatas na si Sen. Loren Legarda sa kaso ay dahil sa paggamit umano nito ng posisyon bilang ‘chairman’ noon ng Senate Finance Committee para mabigyan ng prangkisa si Rep. Leviste.
***
Aminado ang Department of Justice na hindi pa rin tiyak ang dahilan sa likod ng naganap na pagsabag sa tapat nito noong Lunes, ika-27, ng Hulyo.
Inamin mismo ni DOJ Undresecretary Ian Norman Dato na hindi pa nila alam ang tunay na rason o motibo ng pagsabog.
Aniya’y sa kasalukuyan ay nagpapatuloy ang isinasagawang imbestigasyon patungkol sa naturang insidente.
Maguginitang kasabay sa naganap na ika-limang State of the Nation Address ni Pangulong Ferdinand ‘Bongbong’ Marcos Jr, hatinggabi nito’y may nangyaring pagsabog sa Department of Justice.
Pasado alas-dose ng hatinggabi ay sumabog ang isang hinihinalang IED o improvised explosive device malapit sa entrance ng kagawaran.
**
Nakakasira sa imahe ng Pilipinas bilang destinasyon ng mga mamumuhunan at turista ang pahayag ni Vice President Sara Duterte tungkol sa pagkuha ng assassin.
Ito ang inihayag ni House impeachment adviser at spokesperson Robert “Ace” Barbers.
Ayon kay Barbers, ikinagulat niya ang pahayag ng Bise Presidente lalo na’t ito rin ang usapin sa kanyang impeachment trial kaugnay ng alegasyon ng grave threats.
Aniya, maaaring magdulot ito ng negatibong impresyon sa international community tungkol sa peace and order sa bansa.