Inanunsyo ni Lead Prosecutor Gerville Luistro na hindi na ipiprisinta ng House prosecution panel ang ilang nakatakdang testigo sa impeachment trial ni Vice President Sara Duterte ngayong Miyerkules, Hulyo 15.
Kaugnay ito ng Impeachment Article IV na tumatalakay sa umano’y banta ng Bise Presidente.
Kabilang sa mga hindi na ihaharap ay ang kinatawan mula sa Philippine National Police Firearms and Explosives Office (PNP FEO), mamamahayag na sina Mikhail Flores at Bonz Magsambol, Sheriff Abe Andres, isang kaanak ng biktima ng pagbabanta, at isang psychiatrist.
Ayon kay Luistro, si National Bureau of Investigation (NBI) Director Melvin Matibag ang magiging huling testigo ng prosecution para sa Article IV.
Ang kanyang testimonya ang inaasahang magbibigay ng kabuuang paglilinaw sa mga alegasyon ng banta sa buhay ng Pangulo Ferdinand Marcos Jr., first lady Liza Marcos, at dating House Speaker Martin Ro
Iginiit ni Senador Alan Peter Cayetano na tila may ibang motibo ang pahayag ni National Bureau of Investigation (NBI) Director Melvin Matibag hinggil sa imbestigasyon sa umano’y anomalya sa 2019 Southeast Asian (SEA) Games.
Sa ika-anim na araw ng impeachment trial ni Bise Presidente Sara Duterte nitong Miyerkules, binigyang-diin ng senador na tila nagkaroon ng “misfire” ang anunsyo ng NBI.
Ayon sa kanya, hindi dapat ipalabas na may anomalya agad dahil lamang sa kawalan ng bidding sa ilang proyekto.
Ipinaliwanag niya na maraming paraan ng procurement ang pinahihintulutan ng batas, kaya’t hindi dapat gawing indikasyon ng iregularidad ang kawalan ng bidding.
Si Cayetano ang namuno sa Philippine Southeast Asian Games Organizing Committee (PHISGOC) na nag-organisa ng naturang palaro. Maging si Senadora Pia Cayetano ay nagpahayag din ng pagkadismaya sa anunsyo ng NBI.
Nagpahayag ng matinding pagdadalamhati ang marine science community sa pagpanaw ng kilalang marine biologist na si Dr. Kent Carpenter, matapos itong pagbabarilin sa kanyang tahanan.
Kinilala si Carpenter bilang isa sa mga nangungunang siyentipiko sa pag-aaral ng coral reefs at marine biodiversity sa Pilipinas. Ayon sa UP Marine Science Institute, malaki ang naging ambag niya upang makilala ang bansa bilang “center of the center of marine shore fish biodiversity” sa buong mundo.
Isa rin siya sa mga nagsulong na gawing National Protected Area at UNESCO World Heritage Site ang Verde Island Passage dahil sa natatanging yamang-dagat nito.
Nanawagan naman si Protect VIP lead convenor Fr. Edwin Gariguez ng masusing imbestigasyon sa pagpaslang kay Carpenter.
Aniya, inialay ng siyentipiko ang kanyang buhay sa pagpapakita sa buong mundo ng kahalagahan ng Verde Island Passage at sa pangangalaga ng mga yamang-dagat ng bansa.