Nanawagan si Iranian President Masoud Pezeshkian sa gobyerno na dapat ay kilalanin nila ang kanilang pagkukulang.
Sinabi nito na marapat na sisihin ang sariling gobyerno kaysa ibunton ito sa ibang bansa kaya nagkaroon ng malawakang kilos protesta sa Iran.
Humiling din ito ng pakikipagpulong sa judiciary para maiproseso na rin ang pagpapalaya sa mga nakakulong na protesters.
Magugunitang ilang libong protesters ang nasawi at marami rin ang inaresto dahil matapos ang nationwide protest dahil sa pagbagsak ng ekonomiya ng bansa.
Nagbanta rin ang US na kanilang aatakihin ang Iran kapag patuloy ang pagdami ng nasasawing protesters.
----
Patuloy ang ginagawang paghahanap ng mga otoridad sa isang maliit na commercial jet na may sakay na 15 pasahero na naiulat na nawawala sa Colombia.
Ang Satena Flight NSE 8849 ay galing sa bayan ng Cucuta sa Colombia at patungo sana sa bayan ng Ocana ng ito ay nawala sa radar ng 11:54 ng umaga.
Nakatakda sana kasi itong lumapag 12:05 ng hapon subalit nawala ito sa radar sa bahagi ng Catatumbo region isang bulubunduking bahagi na border ng Colombia at Venezuela.
Sa inisyal na impormasyon ang Beechcraft 1900 na nakarehistro sa HK-4709 at inooperate ng kumpanyang SEARCA ay may sakay na 13 pasahero at dalawang crew.
---
Patay ang limang katao matapos ang drone strike ng Russia sa isang pampasaherong tren sa Ukraine.
May lulan na 300 na pasahero ang tren sa Kharkiv region noong isinagawa ang pag-atake.
Sinasakyan ito ng mga Ukrianians para bisitahin ang mga sundalo na nasa front lines ng lumalaban sa Russia.
Tinawag naman ni Ukraine President Volodymyr Zelensky ang pag-atake bilang isang uri ng terorismo.
Sa mga nagdaang pag-atake ay tinatarget ng Russia ang mga riles ng tren at ngayon lamang nila inatake ang pampasaherong tren.