Ikinadismaya ng ilang grupo ang ilang pahayag mula sa opisyal ng pamahalaan nagsasabing isuko na lamang bahagi ng teritoryo ng bansa.
Naniniwala anila sila na ang mga pag-atake o pag-kwestyon sa legal na posisyon ng Pilipinas ay hindi maaring palagpasain.
Ang mga pahayag raw kasing direktang kumokontra sa Philippine Coast Guard at Armed Forces of the Philippines ay nakapagpapahina para maipagtanggol ng bansa ang karapatan nito.
Maaring makaapekto anila ito lalo na sa pananaw at ilalim ng internasyunal na batas sa pagprotekta ng soberanya ng Pilipinas sa usapin teritoryo.
***
Nanawagan si House Committee on Higher and Technical Education Chairman Jude Acidre sa Senado, sa pangunguna ni Senate President Vicente “Tito” Sotto III, na agarang ipasa ang Bagong Balikbayan Act habang libo-libong overseas Filipino workers (OFWs) ang umuuwing muli sa bansa matapos ang holiday season.
Binigyang-diin ni Acidre, ang kahalagahan na maipasa agad ang panukala upang maisaayos at mapalakas ang mga programang tutulong sa muling pagpasok ng OFWs sa lokal na trabaho, negosyo, at pamayanan.
Ang panukala ay pangunahing inakda ni dating House Speaker Ferdinand Martin Romualdez at naaprubahan na ng Kamara.
Ang House Bill No. 6643 o Bagong Balikbayan Act ay naglalayong pag-isahin ang mga reintegration services, palawakin ang tulong pangkabuhayan, at magbigay ng malinaw at tuloy-tuloy na suporta sa mga nagbabalik na migranteng manggagawa at kanilang pamilya.
***
Pinamamadali ni Department of Education Secretary Sonny Angara ang pagkaka-kumpleto ng mga silid-aralan na ilang taon nang naantala.
Marami sa mga naturang pasilidad ay naiwan lang na nakatiwangwang matapos simulan; ang iba rito ay mistulang inabandona na.
Ayon kay Sec. Angara, mahigit walong libong (8,000) classroom project ang sabay-sabay nang ginagawa ngayon, at binabantayan ng ahensiya ang tuluyang pagka-kumpleto sa mga ito sa lalong madaling panahon.
Mula sa naturang bilang, mahigit 3,600 classroom na rin ang nakukumpleto ng Department of Public Works and Highways (DPWH) at inaasahang magagamit na ng mga mag-aaral sa mga susunod na school year.