Feb 19, 2026 | 9:28 AM
Personal na nagtungo ngayong hapon si Pasig City Mayor Vico Sotto sa Comelec Political Finance and Affairs Department upang magsampa ng reklamong election overspending at perjury laban sa kontratistang si Sarah Discaya, na tumakbo rin bilang alkalde ng kanilang lungsod.
Ayon kay Sotto, lumabag si Discaya sa mga regulasyon ng Comelec hinggil sa tamang paggamit ng campaign funds.
Binanggit din ng alkalde na may mga hindi tugmang impormasyon sa mga dokumentong isinumite ng kanyang katunggali, dahilan upang magsampa siya ng kasong perjury.
Matatandaang si Discaya ay Chief Financial Officer ng St. Gerard Construction General Contractor and Development Corp., at naging sentro ng kontrobersya noong nakaraang halalan sa Pasig.
**
'Nilinaw ng Malacanang na hindi nila idineklara bilang holiday ang Pebrero 19 o pagsisimula ng Ramadan.
Ayo kay Palace Press Officer Claire Castro na wala silang anumang idineklarang holiday ngayong araw.
Pinayuhan nito ang publiko na huwag basta maniwala sa mga kumalat na balita online ukol sa pagdeklara ng holiday.
Magugunitang inanunsiyo ng Bangsamoro Grand Mufti na magsisimula ang Ramadan sa Pebrero 19 matapos na makita nila ang crescent moon.