Inanunsyo ni Vice President Sara Duterte na tatakbo siya bilang Pangulo ng Pilipinas sa darating na halalan.
Sa kanyang pahayag, sinabi niya: “I offer my life, my strength and my future in the service of our nation… Mga kababayan, ako si Sara Duterte, tatakbo bilang pangulo ng Pilipinas.”
Ang anunsyo ay inilabas sa gitna ng mga kontrobersiya, kabilang ang tatlong impeachment complaints na nakasampa laban sa kanya sa House of Representatives, na kontrolado ng mga kaalyado ni Pangulong Ferdinand Marcos Jr.
Kamakailan, inilunsad sa Cebu ang “Tatay Digong for Inday Sara Movement 2028”, na layong ipakita ang suporta sa kanyang kandidatura at pagpupugay sa pamumuno ng kanyang ama, si dating Pangulong Rodrigo Duterte.
**
Ipinapaalala sa mga mananampalatayang Katoliko ang pag-aayuno o fasting ngayong Miyerkules ng Abo, simula ng panahon ng kwaresma.
Sa isang video message, ipinaalala ni dating Catholic Bishops Conference of the Philippines (CBCP) president na si Archbishop Socrates Villegas ng Archdiocese of Lingayen-Dagupan na ang Miyerkules ng Abo at Good Friday o Biyernes Santo ang dalawang mahalagang araw sa panahon ng kwaresma na minamandato ang mga katoliko na mag-ayuno.
Sa pag-aayuno, binigyang diin ng arsobispo ang kahalagahan ng pag-iwas sa pagkain upang ipaalala sa ating sarili na tanging ang Diyos ang kayang makapagpuno ng ating pananabik, uhaw at gutom.
Ito rin aniya ay isang pagkakataon para maramdaman ang pasakit ng ating pagkatao upang ipaalala sa atin na mayroong langit na dapat nating asahan, kung saan wala nang pagdurusa at wala ng kasamaan.