Inaprubahanna na ng mga mambabatas sa Portugal ang paghihigpit sa mga kabataan na gumamit ng social media.
Ayon sa may akda ng batas mula sa Social Democratic Party (PSD) na ang mga edad 13 hanggagn 16 ay kailangan muna ng ipagpaalam sa kanilang magulang bago gumamit ng social media.
Layon aniya nito ay para mailayo ang mga kabataan sa cyberbullying at ilang mga kahalintulad na mga krimen.
Gagamit ng public system na Digital Mobile Key (DMK) ang mga magulang para mapayagan ang mga anak nilang bata.
Makakatulong din ito para mas lalong maipatupad ang kasalukuyang batas nila na pagbabawal sa mga batang edad 13 pababa na gumamit ng anumang uri ng social media.
Nagbigay babala ang Cybercrime Investigation and Coordinating Center sa publiko hinggil sa pagpapanggap ng ilan bilang kawani ng gobyerno para makapambiktima.
Sa inisyung ‘urgent warning’ ng ahensya, binalaan nito ang mamamayan sa ‘spoofing scheme’ o modus na target biktimahin ang mga users ng eGov PH mobile application.
Kasunod ang naturang alerto nang magkaroon ng ulat kung saan ang biktima’y nakuhaan o nawalan ng 100-libong piso na pera.
Batay sa impormasyon, ang manloloko ay nagpapanggap bilang government employee kumokontak sa biktima para magberipika umano ng National ID records.
Ang naturang perpetrator ay inutusan ang biktima na magsagawa ng ‘face id’ at biometric logging sa loob ng ibinigay na fraudulent interface.
***
Lumampas sa P1 trilyon ang Reserve Fund ng Social Security System (SSS) noong 2025, pinakamalakas na financial performance na naitala sa kasaysayan.
Ayon kay Finance Secretary at Social Security Commission Chair Frederick D. Go, umabot sa P142.97 bilyon ang net income ng SSS, habang lumaki ang kabuuang assets sa P1.26 trilyon.
Aniya, malinaw ang mensahe nito sa mga miyembro na ligtas ang kanilang pensyon at tuloy-tuloy ang mga benepisyo, alinsunod sa direktiba ni Pangulong Ferdinand Marcos Jr. na palakasin ang benepisyo at pamamahala ng ahensya.
Paliwanag naman ni SSS President at CEO Jay de Claro na bunga ito ng mahigpit na fiscal discipline at reporma sa pamamahala ng pondo.
Noong 2025, nagpatupad ang SSS ng taunang dagdag-pensyon, kung saan 10% para sa retirement at disability, at 5% para sa survivor pensions hanggang 2027.
***
Magsasagawa ng konsyerto kontra korapsyon ang Mayors for Good Governance at grupong Kaya Natin! upang ipakita ang pagtutol sa katiwalian.
Alinsunod ang naturang programa sa pagdiriwang ng anibersaryo ng People Power Revolution kung saan layon buhayin ang diwa ng mapayapang aksyon laban sa korapsyon.
Pati dating bise presidente na ngayo’y alkalde ng Naga City na si Leni Robredo ay hinimok ang publiko na makilahok sa gaganaping People Power 40 Kick-Off Concert.
Kanyang ibinahagi ang online post ng naturang isasagawang aktibidad na may temang “Awit at Aksyon Kontra Korapsyon”
Isasagawa ito sa ika-21 ng Pebrero sa Quezon Memorial Circle, na magsisimula ng alas-kwatro ng hapon para sa pre-show habang alas-sais ng gabi nama’y sa main concert.
---
Inanunsiyo ni US First Lady Melania Trump ang paglaya ng limang batang Ukrainian na dinukot ng Russia.
Ayon sa isang matas na opisyal ng Russia na malaking tulong ang ginawa ng US First lady para mapalaya din ang isang batang Russia.
Ang pakikipag-ugnayan ni Trump kay Russian President Vladimir Putin na nagsimula pa noong Agosto ay nakakatulong na mapabilis ang proseso ng pagpapalaya ng ilang bihag.
Una ng inanunsiyo ng First Lady noong Oktubre ang pag-uwi ng walong batang Ukrainian at noong Disyembre ay pitong Ukrainian na mga bata.
Pinuri ni Trump ang pakikipagtulungan ng Russia at Ukraine para mapabilis ang pagpapauwi ng mga bihag nilang mga bata.
---
Ilang linggo matapos ang kontrobersyal na paglisan ng isa sa pinakamataas na heneral ng China, naglabas ang CIA ng bagong video na naglalayong mang-akit ng mid-level Chinese military officers bilang informants.
Ipinakita sa video ang isang fictional officer na disillusioned sa kanyang nakatataas, at bahagi ito ng kampanya ng Washington na palawakin ang human intelligence laban sa China.
Sinundan nito ang isang katulad na effort noong Mayo na nagbigay ng Chinese-language instructions sa pakikipag-ugnayan sa US intelligence.
Ayon kay CIA Director John Ratcliffe, marami na ang naabot ng mga video at patuloy nitong inaalok sa mga opisyal ng China ang “opportunity to work toward a brighter future together.”
Nitong nakaraang buwan, iniimbestigahan si Zhang Youxia, vice-chairman ng Central Military Commission, sa pinakamataas na-profile na paglisan ng senior military leader sa mga dekada.
Ayon sa CIA, matagumpay ang kampanya sa kabila ng “Great Firewall,” at nakaka-engage sa intended audience. Ang mga spy operations na ito ay bahagi ng lumalalang military at technological rivalry sa pagitan ng US at China, na itinuturing ng marami bilang bagong anyo ng cold war.