Kumitil ng siyam na katao ang marahas na mass shooting sa isang paaralan sa British Columbia sa Canada nitong Martes, Pebrero 10, local time.
Kinumpirma ng Royal Canadian Mounted Police na siyam ang biktima sa pamamaril habang ang suspek na gunman ay natagpuan ding wala nang buhay at pinaniniwalaang “self-inficted” ang natamong injury. Base sa report, inilarawan sa inisyung alert na ang suspek ay isang babae na naka-dress at kulay brown ang buhok.
Anim na labi ng mga biktima ang natagpuan sa loob ng Tumbler Ridge Secondary School, dalawa pa ang narekober malapit sa isang residential property at isa ang binawian ng buhay habang dinadala sa pagamutan.
Kasunod ng krimen, isinara na ang Tumbler Ridge Secondary School at Tumbler Ridge Elementary School para sa buong Linggo.
Samantala, nagpaabot ng pakikiramay si British of Columbia premier David Eby sa pamilyang naulila ng mga biktima sa malagim na trahediya at tiniyak ang suporta para sa mga apektadong komunidad.
---
Tumanggi si Ghislaine Maxwell, na umano’y kasabwat ng yumaong convicted sex offender na si Jeffrey Epstein, na sagutin ang mga tanong ng US House Oversight Committee. Sa halip, ininvoke niya ang kanyang Fifth Amendment right laban sa self-incrimination.
Sa isang recording desposition mula sa Texas prison, paulit-ulit niyang sinabi: “I invoke my Fifth Amendment right to silence.”
Si Maxwell, 64, ay nagsisilbi ngayon ng 20-taong pagkakakulong matapos mahatulan sa kasong sex trafficking. Siya lamang ang nahatulan kaugnay sa mga krimen ni Jeffrey Epstein, na namatay sa New York jail noong 2019 habang naghihintay ng paglilitis.
Ayon sa kanyang abogado na si David Markus, handa si Maxwell na magsalita kung bibigyan siya ng clemency ni US President Donald Trump.
Bagamat may lumabas na milyon-milyong dokumento mula sa US Department of Justice (DOJ) kaugnay kay Epstein, wala umanong bagong kaso ang inihain.
Ang dokumento ay inilabas sa ilalim ng Epstein Files Transparency Act (EFTA) na pumipigil sa pag-redact ng records dahil lamang sa “embarrassment, reputational harm, or political sensitivity,” maliban na lamang kung protektado ang pagkakakilanlan ng mga biktima.
Ayon sa ilang miyembro ng Kongreso, may mga pangalan ng prominente at posibleng sangkot sa krimen na na-redact, kabilang ang negosyante na si Les Wexner, billionaire at may-ari ng Victoria’s Secret, na tinukoy bilang co-conspirator.
Una na rito nagpagdala na ang US House Oversight Committee ng subpoena kay Clinton at sa kanyang asawa, na si dating Secretary of State Hillary Clinton, upang magpaliwanag tungkol sa kanilang ugnayan kay Epstein.
Kaugnay nito hiniling ng mga Clinton na isapubliko ang kanilang mga testimonya upang maiwasan na mapolitika ng mga Republican.
Bukod dito si Trump, na dating malapit na kaibigan ni Epstein, ay hindi pa ipinatatawag ng kumite na pinamumunuan ng Republican.