Kinilala ng Korte Suprema na maaaring ituring na co-owners ng ari-arian ang same-sex couples na nagsasama, alinsunod sa Article 148 ng Family Code, basta’t may malinaw na patunay ng aktuwal na kontribusyon.
Pinaboran ng Second Division ng Korte Suprema ang reklamo ng isang dating partner para sa paghahati ng bahay at lupang binili nila sa Quezon City, kahit na nakapangalan lamang ito sa isa. Batay sa desisyon, may pinirmahang Acknowledgment ang isang partner na umaaming halos kalahati ng gastos sa pagbili at pagpapagawa ng ari-arian ay mula sa kanyang dating karelasyon.
Nilinaw ng Korte Suprema na ang Article 147 ay para sa mga magkaparehang maaaring magpakasal, habang ang Article 148 ay sumasaklaw sa mga hindi pinahihintulutang magpakasal, kabilang ang same-sex couples, kung saan ang co-ownership ay nakabatay lamang sa aktuwal na ambag.
Gayunman, binigyang-diin ng Korte Suprema na ang mas malawak na usapin ng karapatan ng same-sex couples ay kailangang tugunan ng Kongreso at iba pang sangay ng pamahalaan, hindi lamang ng hudikatura. (report by Bombo Jai)
**
Ibinunyag ng Office of the Ombudsman na sila’y mayroong hindi makita sa natanggap o naiturn-over ng kompyuter o gadget ng yumao at dating Undersecretary ng Department of Public Works and Highways na si Maria Catalina Cabral.
Ito mismo ang ibinahagi ng kasalukuyang tanod-bayan na si Ombudsman Jesus Crispin ‘Boying’ Remulla sa naganap na pulong-balitaan ngayong araw.
Aniya’y ang naturang kompyuter na ginamit ni Cabral na pagmamay-ari ng gobyerno, naglalaman ng mga dokumento ay nadiskubreng kulang o may nawawala.
Ito’y kasunod nang kanilang mabuksan ang ipinasang ‘gadget’ ng Department of Public Works and Highways sa kanila kamakailan.
Dahil rito’y sinabi ni Ombudsman Remulla na ang kanilang tinungo o kinuha na lamang ay ang mga dokumentong nakapaloob sa ‘cloud’ nito.
***
Nakatakdang maglabas ang Department ogf Health (DOH) ng isang memorandum circular para maisama na sa zero balance billing (ZBB) ang mga direct contributor ng Philippine Health Insurance Corp. (PhilHealth).
Magbibigay daan ito para sa mga manggagawang direktang nagbabayad ng contribution na ikinakaltas sa kanilang sahod para makapag-avail ng ward o shared room sa lahat ng 87 ospital na pinapatakbo ng DOH nang libre sa ilalim ng ZBB policy.
Sa isang statement, inihayag ng DOH na ginawa ang bagong polisiya bilang tugon sa direktiba ni Pangulong Ferdinand Marcos Jr. na nagmamandatong tiyaking mapapakinabangan ng middle-class earners ang mga benepisyo mula sa gobyerno.
Ayon kay Health Secretary Teodoro Herbosa, maraming dumaraing para sa mas pinahusay pang mga benepisyo para sa mga direct contributors ng PhilHealth at ang mga ito ay ang mga kinakaltasan ng kanilang premium contribution mula sa kanilang sahod.