Matagumpay na nasagip ng pamahalaan ng Nigeria ang humigit-kumulang 100 mag-aaral na dinukot noong nakaraang buwan at dinala sa kabisera ng Minna. Hindi naman ibinahagi ng pamahalaan ang detalye ng operasyon, kung ito ba ay naisagawa sa pamamagitan ng negosasyon o ransom.
Pinuri ni Nigerian President Bola Tinubu ang mga rumespondeng team at iginiit na dapat maibalik nang ligtas ang lahat ng biktima ng kidnapping sa bansa. Nangako rin siyang paiigtingin ang seguridad upang maiwasan ang pagdami ng ganitong insidente.
Itinuturing na isa sa pinakamalalaking mass kidnapping sa bansa ang nangyari, kung saan ayon sa Christian Association of Nigeria, higit 300 estudyante at 12 kawani ng pamahalaan ang dinukot, at 50 sa mga ito ang unang nakatakas.
Nagdulot ng malawakang galit sa publiko ang insidente, lalo na sa harap ng lumalalang kaso ng kidnapping sa mga paaralan sa hilagang bahagi ng Nigeria.
Samantala, nilagdaan ng Estados Unidos at Nigeria ang isang joint agreement para sa pagbuo ng isang task force na layong palakasin ang seguridad at labanan ang terorismo sa bansa.
-----
Hindi pa tinatanggal ng Japan ang kanilang tsunami advisories matapos ang pagtama ng magnitude 7.5 na lindol sa Northern Japan.
Tumama ang lindol sa karagatang bahagi ng Aomori Prefecture ng 10:15 ng gabi oras sa Pilipinas kung saan may lalim ito na 54 kilometers.
Unang naitala ang 7.6 magnitude na pagyanig subalit ito ay pinababa ng Japan Meteorological Agency sa 7.5 na lindol.
Nakataas ang tsunami advisories sa mga lugar ng Aomori Prefecture, Iwate, Miyagi at Fukushima prefectures.
Dahil dito ay pinag-iingat ng mga otoridad ang mga residente na naninirahan sa mga karagatan na lumikas na dahil sa banta ng pagtaas ng tubig mula sa karagatan.
Pinalikas din ang mga residente ng ilang munisipalidad ng Hokkaido at Tohoku region dahil sa pagyanig.
Pinawi naman ng Tokyo Electric Power Company ang pangamba ng marami dahil walang anumang naitalang abnormalidad sa Fukushima Daiichi at Daini nuclear plants.Hindi pa tinatanggal ng Japan ang kanilang tsunami advisories matapos ang pagtama ng magnitude 7.5 na lindol sa Northern Japan.
Tumama ang lindol sa karagatang bahagi ng Aomori Prefecture ng 10:15 ng gabi oras sa Pilipinas kung saan may lalim ito na 54 kilometers.
Unang naitala ang 7.6 magnitude na pagyanig subalit ito ay pinababa ng Japan Meteorological Agency sa 7.5 na lindol.
Nakataas ang tsunami advisories sa mga lugar ng Aomori Prefecture, Iwate, Miyagi at Fukushima prefectures.
Dahil dito ay pinag-iingat ng mga otoridad ang mga residente na naninirahan sa mga karagatan na lumikas na dahil sa banta ng pagtaas ng tubig mula sa karagatan.
Pinalikas din ang mga residente ng ilang munisipalidad ng Hokkaido at Tohoku region dahil sa pagyanig.
Pinawi naman ng Tokyo Electric Power Company ang pangamba ng marami dahil walang anumang naitalang abnormalidad sa Fukushima Daiichi at Daini nuclear plants.
------
Sinalakay ng Israeli police ang compound ng United Nations Relief and Works Agency (UNRWA) na tumutulong sa Palestinian refugees na nakabase sa okupadong East Jerusalem nitong Lunes.
Kinumpirma rin ni UNRWA head Philippe Lazzarini na tinanggal ng Israeli authorities ang watawat ng UN at ipinalit ang Israel flag.
Ayon sa UN official, pwersahang pinasok ang kanilang compound ng Israeli police kasama ang municipal officials ng Jerusalem dala ang mga truck at forklifts.
Pinagpuputol aniya ang mga linya ng komunikasyon at sinamsam ang mga furniture, IT equipment at iba pang ari-arian.
Sa isang statement, nilinaw naman ng Israeli police na ang ikinasang operasyon ng Jerusalem Municipality ay parte ng debt-collection procedure, kung saan present ang mga pulis para bigyang seguridad ang personnel ng naturang munisipalidad.
Sinusugan naman ito ng tagapagsalita ng Jerusalem Municipality bilang parte umano ng standard procedure laban sa mga hindi nagbabayad ng property tax at nagbabalewala sa kanilang paulit-ulit na paalala.
Kinondena naman ni UN Secretary-General Antonio Guterres ang hindi awtorisadong pagpasok ng Israeli authorities at iginiit ang mga obligasyon ng Israel sa ilalim ng UN Charter at iba pang international law.
Una rito, matagal ng may isyu ang Israel sa naturang UN aid agency, kung saan inaakusahan ng Israel ang ahensiya ng pagtulong umano sa Hamas at nanawagang buwagin na ito nang tuluyan, subalit makailang ulit naman ng itinanggi ng UN agency ang naturang paratang.