Nag-alala ang mga kabataan sa nalalapit na social media ban sa Australia na magsisimula Disyembre 10, kung saan magde-deactivate ang higit isang milyong account ng mga menor de edad sa iba’t ibang pangunahing social media platforms .
Layunin ng gobyerno na maprotektahan ang mental wellbeing ng mga kabataan, ngunit natatakot ang ilan na mas makakasama ito kaysa sa makakatulong.
Ayon sa mga kabataan sa bansa mahalaga ang social media bilang safe space at paraan para makahanap ng komunidad, lalo na sa LGBTQIA+. Sinabi rin nila na ang social media ay kanila nang naging “lifeline” upang labanan ang bullying at homophobia.
Batay sa 2025 Headspace National Youth Mental Health Survey, 37% ng kabataan ang nag-aalala sa isolation, habang 35% ang natatakot maiwan sa social trends.
Ayon naman kay Nicola Palfrey ng Headspace na kailangan pa rin ng alternatibong paraan para makakonekta ang mga kabataan offline.
Nangangamba rin sila sa oras ng implementasyon, na kasabay ng anim na linggong summer break, kung kailan mas kaunti ang interaksyon ng mga kabataan sa kanilang mga kaibigan.
Bagamat may ilang kabataan na makaka-adjust sa pagbabago, marami parin daw ang posibleng maapektuhan ang mental health dahil sa limitadong paggamit laban sa pag-ban ng social media sa bansa.
-----
Nagsagawa umano ng sekretong trilateral meeting ang Amerika, Israel at Qatar sa New York nitong weekend.
Ito ay ilang buwan matapos magsagawa ang Israel ng airstrike sa Doha noong Setyembre 9, subalit bigong matamaan ang target na top Hamas negotiator na si Khalil al-Hayra at iba pang Palestinian militant group at sa halip at kumitil ng 6 na ibang katao.
Base sa source, ito ang highest level meeting sa pagitan ng tatlong bansa simula ng maging epektibo ang ceasefire sa giyera sa Gaza, kung saan nagsilbi ang Qatar bilang pangunahing mediator.
Subalit sa panig ng Amerika, wala pang pagkumpirma ang White House kaugnay sa naturang pulong.
Sa report mula sa American news website (Axios), si White House envoy Steve Witkoff ang nagsilbing host sa naturang pulong kasama si Mossad spy chief David Barnea na kumatawan sa Israel at dumalo rin ang isang hindi pinangalanang senior Qatari official.
Ang pangunahing pokus umano ng pulong nitong Linggo ay ang pagpapatupad ng Gaza peace agreement.
-----
Kinontra ng Egypt, Qatar at anim na iba pang Muslim-majority countries ang plano ng Israel na one-way na pagbubukas ng Rafah border crossing.
Sa nasabing plano kasi ay papayagan lamang ang mga Palestino na lumabas sa teritoryo subalit kanila itong pagbabawalan na bumalik at harangin ang pagpasok din ng humanitarian aide.
Ang nasabing hakbang din ng Israel ay isang paglabag sa ceasefire na kanilang napagkasunduan ng Hamas noong nakaraang pitong linggon.
Umaabot na rin sa 600 na rin ang ginawang paglabag ng Israel mula ng ipatupad ang ceasefire.
Ayon sa mga foreign ministers ng mga bansang Egypt, Indonesia, Jordan, Pakistan, Qatar, Saudi Arabia, Turkiye at the United Arab Emirates na ang nasabing plano rin ay malinaw na paglabag sa ceasefire na napagkasunduan.