Iminungkahi ni Pangulong Ferdinand Marcos Jr. sa Kongreso ang pansamantalang pagsuspinde sa pagpapatupad ng Real Property Valuation and Assessment Reform Act (Republic Act No. 12001) upang maiwasan ang dagdag na gastos sa mga negosyo, mahikayat ang pamumuhunan, at matiyak ang maayos na paglipat sa bagong property valuation system.
Ginawa ng Pangulo ang pahayag sa ginanap na Legislative-Executive Development Advisory Council (LEDAC) meeting sa Malacañang noong Agosto 6.
Ayon kay Palace Press Officer Claire Castro, layunin ng panukala na mabigyan ng sapat na panahon ang pagpapatupad ng bagong valuation system.
Sa LEDAC meeting kahapon tinalakay rang 24 priority measures na target maipasa bago matapos ang Hunyo 2027.
**
Binigyang-diin ng batikang abogado na si Atty. Ferdinand Topacio, na dapat sumunod ang Estados Unidos sa batas ng Pilipinas ukol sa kahilingan nitong ipa-extradite si Pastor Apollo Quiboloy, ang founder ng religious organization na Kingdom of Jesus Christ.
Ito ay bago pa pagbigyan ng PH government ang kahilingan ng US government para sa nakakulong na religious leader.
Ayon kay Topacio, nananatiling saklaw ng local court ang extradition process, lalo na ang actual na pagsusuri sa merito nito.
Dapat aniyang mangyari ito, kahit na may umiiral na kasunduan o extradition treaty sa pagitan ng 2 bansa.
Kahapon (Aug. 6) ay kinumpirma ng Department of Foreign Affairs na pormal nang humiling ang Estados Unidos na ipa-extradite si Quiboloy upang harapin ang mga kasong kriminal na isinampa laban sa kanya sa naturang bansa.