Patay ang walong katao matapos na bumagsak ang isang charter plane sa western Alaska.
Ayon sa Federal Aviation Administration na galing sa Anchorage, Alaska at patungo sana sa Cape Newenham ang Cessna 441 na eroplano ng ito ay bumagsak.
Sinabi ni Clint Johnson ang hepe ng National Transportation Safety Board ng Alaska region, na ang mga biktima ay kinabibilangan ng dalawang piloto at anim na pasahero.
Ang nasabing eroplano ay isang civilian-contracted flight na may kargang walong katao.
Ilang minuto na lamang bago mag-landing ang eroplano sa Cape Newenham Airport na isang Air Force airstrip ng bigla itong bumagsak.
Patuloy naman ang iniimbestigahan ng mga otoridad ang sanhi ng nasabing pagbagsak ng eroplano.
---
Ibinunyag ng Ukraine na pinalakas ng North Korea ang kanilang military support sa Russia.
Ayon kay Major General Vadym Skibitskiy, Deputy Head ng Ukrainian Defense Intelligence, na kasama sa military support ang mga drone units.
Ang nasabing hakbang aniya ay ikinabahala ng North Atlantic Treaty Organization (NATO) kung saan inaasahan nila ang matinding pag-atake ng Russia sa Ukraine.
Una ng sinabi ni Ukraine President Volodymyr Zelensky na mayroong mga sundalo ng North Korea ang pumanig sa Russia para makipaglaban sa Ukraine.
Noon pang Oktubre ng nakaraang taon ay gumagamit na rin umano ang Russia ng mga drone na gawa sa North Korea.
---
Niyanig ng magnitude 6.7 na lindol ang southern Peru nitong nitong Huwebes (araw sa bansa), ayon sa United States Geological Survey (USGS).
Naitala ang epicenter ng lindol sa 38 kilometro hilagang-kanluran ng Upahuacho, sa lalawigan ng Parinacochas sa rehiyon ng Ayacucho, at may lalim na humigit-kumulang 66 kilometro.
Naramdaman ang pagyanig nito sa ilang bahagi ng southern Peru, kabilang ang Ica at Arequipa.
Samantala, mas mataas na 7.2 magnitude ang iniulat ng Geophysical Institute of Peru (IGP), na nagtala naman ng lalim na 108 kilometro.
Sa unang report, wala pang naitalang malawakang pinsala. Patuloy namang sinusuri ng mga awtoridad ang mga lugar na naapektuhan ng lindol.
Iniulat din ng Peruvian Navy na walang banta ng tsunami.
Ang Peru ay bahagi rin ng Pacific Ring of Fire, kaya madalas makaranas ng malalakas na lindol ang bansa.